أنا عايشة لسا؟؟..خلصت العملية؟؟…ههههههههه

مرحبا من جديد وعذرا عالتأخير..
حان موعد عودتي..وقد تم ذلك بعد أن تكرمت ديمة أختي وتفضّلت وقبلت بإجراء عمليتها الجراحية قبل أن أسبقها بجراحة المرارة لدي..بعد أن <> بسببها..
والحمدلله الذي <> ولم أخرج من المشفى بجريمة قتل لذاك العامل..
طبعا” بعد الإتفاق مع الطبيب الجراح ومعرفة المكان الذي قد تعاقد معه منذ زمممممممممممممممممن بعيد لإجراء عملياته به…
وليتني لم أذهب..
طبعا استقبلتني ملابس مرضى العمليات..<>
ولله الحمد بشرتني بوابة الاستقبال بأن أهل هذا المكان <> وبأن الملابس التي ستتوج على أجساد المرضى <>
لا تخافو حضرات المرضى…فملابسنا نظيفة..ولم يرتديها مريض قبلكم..
اطمئنت اختي لهذا الأمر..حتى أنها رمت الرووب أرضا” لتصلي ركعتي الظهر ..
وجاء الطبيب..
_خلصتي دمدوم؟؟
_اي دكتور ..
_اي لكن الحقيني..فايتين عغرفة العمليات..
طبعا” مظاهر الدهشة على وجهي لا يمكنها الإختباء..
_أنو شو مشااااااااااان؟؟لتكوني رايحة سيران وأنا مالي دريانة؟؟هيك من الباب للطاق الحقيني عغرفة العمليات؟؟
_اي تقبريني لح نروح سيران ان شاء الله..بس لاتنسي تخبري الدكتور بعد ما اطلع انو ايمتى بقدر اطلع..
طبعا” ..أهم مظاهر الحضارة في ذاك المكان كانت متمركزة بتلك السكرتيرة ..والتي تمثل ممرضة وسكرتيرة وريسبشن ووووووو…وكل شيء يحتاج للمسة الأنثوية في أية مكان …
بالتأأكيد…وبرفقة العلكة التي تلعب بأسنانها داخل فمها..
_اي حبيبتي ..بتلبسي هاد الزهري هلاء..واستني الدكتور بيئلك شو تعملي..
اي حبيبتي..وقت تطلعي من العملية مالازم نطالعك قبل ما يروح منك التخدير..
اي حبيبتي..بدنا ….
فيني اعرف من وين لوين حبيبتي؟؟<>
لم أصرح بمشاعري اتجاهها علنا”..بلا ماتعمل شي شغلة تبليني فيها..
ذهبت اختي برفقة الطبيب وهي تلوح لي..وكأنها ستذهب إلى غرفة للعب أو لسرد أحاديث مشوقة..
بأمان الله..
دقيقتين…ثلاث..عشر..نصف ساعة..وأنا بجانب الغرفة لا أبرح مكاني..
وذاك الموظف لا ينفك يتركني بحالي..
_ شو اختي..بتحبي تقعدي عهاد الكرسي؟؟
_لا عم شكرا”..
ونظرة استحقار باتجاهي..
<>
ولكي يزيدني غضبا”..ينفض الــ<> بوجهي..يعلقها على <>
بعد عملية النفض التي تستمر خمس دقائق..تبدأ عملية المسح..خصوصا” أمام قدماي..
أبتعد..وأبدل بمكاني..وغرفة الجراحة لا يُغلق باباها…أحاول الاقتراب واستراق النظر..دون جدوى من ذلك..
مضى حتى الأن نصف ساعة وخمس دقائق..
حتى ينحيني جانبا” ذاك العمو..ويدخل غرفة الجراحة بممسحته تلك..
عفوا” لقد حان موعد النظافة الآن..
طبعا” عيناي ذهبتا برفقة العمو وممسحته..
لا حول ولا قوة إلا بالله..
خرجت إلى خارج المشفى كلها..أجول حول نفسي….
مالذي استطع فعله؟؟
حادثت أحد الأصدقاء..<>
ختمت مكالمتي..وعدت إلى الداخل..
هاقد اقتربت الساعة من النهاية..وهاهو الطبيب يخرج..ويده مليئة بالدماء..
يا إله الكون أعطني القوة..
_شوفي مدام..هي الكتلة الدهنية..وهي لقيتها بالعضل..لهيك بدي ابعتهن كنوع من الطمئنان عالمخبر لحللهن..
يا رب…
خرجت ديمة..ومازال المخدر يأخذ مجراه..
_لازم تصحوها قبل ما امشي..
وابتدأت محاولاتي ودموعي توقظها قبل صوتي..
_ ديمو..دمدوم..قومي حسن جبلك الشوكولا..طيب قومي اجا اخوكي من السفر..ديمة..
ولم تنتج عن محاولاتي شيئا”..
<>
حتى جاء الطبيب ووضع اصابعه على طرف اذنها..
_ديمة حركي اصبعتك ازا سمعانتيني..والحمدلله..
حين ابتدات تستيقظ ..لم يبدأ بها أي أثر من الحديث اللا معنى له..
_ديمة موجوعة تقبريني؟؟
_لاء..بس حاسة خواصري لح يطقو..وابتدأت مرحلة الضحك..ثم الضحك..ثم اسقاط الدموع والضحك..
_ديمة حاسة عليي؟؟ مين أنا؟؟
_انا وين هلاء؟؟
_بالمشفى..
_طيب خلصت؟؟لساتي عايشة؟؟
_اي تقبريني لساتك.
_اي الحمدلله..وعادت للضحك من جديد…
تحدثت مع بعض الاقارب على الهاتف..ومازال الضحك مستمرا”..
حتى جاء دور عمي..
_اي يلا حاجتك..قومي مافي اسهل منها العملية..متلها متل *****
حاولت السير قليلا.. فجائت السكرتيرة متعددت الاستخدامات ..
_امشي حبيبتي روحة رجعة مرتين بترجعي عبيتك..
فبادرتها ديمة..
_اي بمشي حبيبتي..ارقصلك كمان..وعادت للضحك من جديد..
لحظات واقتربت مني..
_دندون..ما حكيت شي وانا مخدرة..
_لا ياروحي..
_يا الله..وعادت للضحك..
كان يوما مبكيا” ومضحكا” في ذات الوقت..
والحمدلله على خروجها بتلك الحال..

>>>يتبع

خلص دندون..حفظتي شو اسمو المطعم…أكورديون..طوق الياسمين..

 

بعد ان ادرجت اعلان رحلتي الى سوريا..لم اكن أعلم بذاك القدر من الترحيب الذي لقيته في احضان بلادي..خصوصا  من قبل أصدقاء..لم يجمعني بهم سوى ما تراه اعينكم خلف هذه الشاشة الصغيرة..

وكانت دندون..<<قمر>> اول المرحبين بي..

ولن استطع وصف فرحتي بها في ذاك اليوم..

<<صعي دندون..ئلتلك شكرا ع اهتمامك فيني بالشام؟؟>>

تم تحديد الموعد للقائنا..وتمت الاجماعات والتخطيطات (واللزي منو) لهذه اللقاء الراائع…

_خلص دندونة ..اسمو مطعم الاورديون..

_خلص حفظتو..وجنبو في الركن الفرنسي بالمزة…

_تمام..منشوفك هنيك لكن..

ومنذ ان تم تحديد المكان وانا لا انفك بسؤال اختي ديمة..

_بتتزكري شو كان اسمو؟؟..أكورديون؟؟

_اهم شي انو جنب الركن الفرنسي..ومن هنيك بتتزكري الاسم..

_بتزكر يادمدومة اسمو لوزين…لاء شو لوزين..هاد اسم مخابز عنا بالرياض..

_لا مزبوط..في مطعم اسمو لوزين..

_لك حتجي تعلميني..انت عم تخبصي ديمة..ال لوزين ال..

_لكن مالي رايحة معك..بلا ماتقعدي على طاولة ناس تانيين …خليني بالبيت ناطرتك لحتى حضر حالي للضحك مزبوووط..

_انت الخسرانة..بس اليوم ونحنا نازلين عالجامعة بتزكريني شوف اسماء هديك المطاعم لاتزكر اوكيشن؟؟

وبالفعل..ثلاثة ايام متتالية..احاول المرور تحديدا بذاك الجانب..حتى اضطرني في احدى المرات الى المرور بجانبه سيرا على الاقدام….<<كلو كرمال ما انسى الاسم..وضليت عم انساه>>

الى ان اتى اليوم المعهود..فما كان مني الا ان قمت بشيء بسيط جدا..اتجهت نحو هذا الاكورديون..منذ الساعة الثانية ظهرا..حتى لاتضحك  اختي ديمة (عالمزبوووووووط)..طبعا..دون ان تعلم …

واخذ الانتظار مني مأخذه..ووصلت زنزون قبل الموعد….وحان موعد الانطلاق..

_دندون..تستني شوي بس لصلي؟؟

وتمّ قضاء فرضنا والحمدلله….وتم القضاء على الذهاب الى موعدنا مبكرين…

وصلنا…وابتدأت رحلة البحث من جديد…خصوصا” وأن عمو شوفير المكرو لايستطع الوقوف بجانب المطعم..

_ديمة..اتطلعي عكل اسماء المطاعم بوشك…وازا لقيتي شي قريب منو خبريني..

_شو مشانك انت؟؟..ليكو..بس ياترى كيف لح تعرفيهن اختي؟؟ زنزون..بتعرفي حدن شي انت؟؟

وتمت الاجابة بالرفض..

_هلاء بتصل بدندون بعرف وينها..

وابتدأ الهاتف بالرنين..وما من مجيب..

_ياديمة..ماعم ترد الصبية شو اعمل؟؟مامعي رقم غيرها..

وتتجه أنظارنا ثلاثتنا نحو زجاج المطعم..ترى أي طاولة؟؟

حتى تلوح لي دندون ولله الحمد..

ابتدأت مرحلة التعارف..وشعرت بأنني <<فتت ببعضي>>

من أي مكان أبدأ تحياتي؟؟ وأين أستطع الجلوس لأحاور الجميع؟؟

وانتهت المرحلة الأولى…

طبعا” كانت  من أروع اللحظات في اجازتي هي رفقتهم ..

حتى أنني عدت الى منزلي ومازالت ابتسامة سعادتي مرتسمة على وجهي…

الأجمل من هذا كله…

جلوس ثلاثة أعضاء قبالتي..وهم لايدرون من هذه الفتاة التي رحبنا بها!!

سألت عهد في البداية وكما أذكر…

فأجابها وسيم..ونظرة الاستكشاف تعلو وجهه…

_مابعرف..بظن يمكن انها زنزون..هيك سمعت…

_لا حبيبتي زنزون هية رفيقتي ..انا دماسكس جيرل…

هاقد تحدثت وأعلنت من أنا للمرة الثانية…

بعد قليل..جاء دور حسامستان…

_اي مين هي؟؟

ونظرة الإستفهام تعلو وجوه الثلاثة…

صالح…حسام…ووسيم…

وينحني وسيم ليساعد حسام <<صاحب المشاعر المحطمة حزنا” على عش الأحلام المهدوم>>

_يمكن بظن أنها زنزون!!

أنو شومشاااااااااان؟؟؟

يعني ماحدا عرفان مين انا غير دندون وعمو حسن<<أخوووووو لوسيم!!>>

ولكن…

من الجميل أن تخفي ابتسامة خلقت على وجهك غصبا”…

<<ماعاد فيني يعني ههههههههههههههههههههههههههه>>

يعود حسامستان الفضولي ليسأل صالح…

_مين هدول؟؟

_والله مابعرف..بس سمعت انو زنزون ويمكن رفيقتها….

أحاول أن أتلفت يمنة ويسرة…حتى لاتظهر ملامح معرفتي بذاك السؤال اللا إجابة له…

وقد وصلتني الأنباء بأنهم لم يدرون بعد من أنا..حتى تم استرجاع الماضي بما خطّه قلمي…

يوميات مربية…

<<المهم عرفوني بالنهاية ..يافرحة قلبي..:)>>

لميس…الرائعة…كانت نقطة الوصل بيني ..والطرف الآخر..

<< ومدري شلون عرفتك دغري دينا..مع انو اللهجة السورية أخدة عليكي أوي>>

أما رزان…فكانت بالفعل قطة..

<<صعي رزون..وصلتك الشوكولا من بعض ناس؟؟>>

عمو حسن المشاغب…كان في قمة الهدوء…وحين وصلتني منه وللمرة الثانية لهذا العام …هابي بيرذداي تو يو..

علمت مالذي يشغل تفكيره…

<<طبعا هابي بيرذداي يمكن لأني جيت عالشام؟؟؟>>

الذي مازال محفورا” في مخيلتي حتى الأن…

<<هو تعباية الطاسة>>

صف كامل من أكواب الشاي كانت تحتل القسم قبالتي…

<<صحتين وهنا على قلوبكن..>>

وأيضا”…

جلوس من لايحتملون سحابات الدخان التي تخرج من الأركيلة…بين عشاقها…

دندون..ام الرور..لموسة..عنجد سوري منكن إزا تدايقتو منها…

عمو زاهر…وكما وصلني تقرير من زوجته بجانبي..كان على وشك الوصول…وانتظرنا..وانتظرنا..وانتظرنا..

حتى كاد بابا يمل انتظاره لنا في المنزل..فعدنا إلى منزلنا  مسرعتين…نراك لاحقا عمو ابو الزووز…

لم أشعر بأن فضولي قد امتلاء بعد..وفي إحدى جلسات الحوار مع عمو حسن..خلقت فكرة سريعة بمشاركة الصبايا حولي..

_اي ليش لاء..منطلع بكرة…

_خلص شكلسو وضعكن وخبروني..

وابتدأنا مسيرة الــ ألف ميل..وابتدأت اتصالاتنا..

_ياصبايا..وين بدكن تروحو؟؟ اخترعتو مشوار ومالكن عرفانين لوين..

_طيب سألي يلي بيعرف بالشام…

<<وجبناك ياعبد المعين..>>

_عمو حسن..شو بتعرف اماكن بالشام؟؟

_في كزا ومزا وهدول الاماكن.

_!!!!!!!!!

_انتو قررو أي مكان بدكن وخبروني..لاتردي عالفصعين معك..

<< شو مشاان؟؟ أي كلن فصعين يلي كانو معي>>

ووصلنا الى قرارنا مساء..وهنا حصل مالم يكن في الحسبان..

_دندون..ديمو..تعو بابا شوي بدي احكيكن…

_حاضر…واستمر الحديث حتى الثانية مساء”…

وحين اتجهنا الى فراشنا..اسرعنا لإرسال التقارير إلى من يهمه الأمر..حتى جائني سؤال غريب..

<<طوق الياسمين؟؟ لاني مابعرفو بيت الياسمين؟؟>>

شو مشااااااان؟؟أي مابعرف غير اسمو ياسمين..

وجاء اليوم التالي…وقفزت الفتيات الى ذاك الياسمين..دوني…<<صلة الوصل بين  الحاضرين>>

وشوووووووو..عالعشرة بكون مزروعة بالياسمينات…ولم اكن اعلم بان العشرة لدي ستصل إلى الحادية عشر والنصف!!!

طبعا” لم تتوقف وسائل <<تفوير الاعصاب>> من مسجات ورنات وووو….ومازال التكسي في مكانه لا يتحرك..

_عمو..ايمتى لح تخلص الزحمة..الله يوفقك تأخرنا…مافي طريق مختصر؟؟

_والله ياعمو هي الزحمة اللي شفتيها لح تشوفي متلها على مرتين…الله يفتحها بوشنا…

_شوو؟؟ انو شو مشان؟؟؟ماعاد يعرف ينط فوق السيارات يعني؟؟كل البلد ماعاد فيها طرق مختصرة؟؟

لا حول ولا قوة الا بالله…

وحين وصلنا…

_بتمشي عشرة متر من هون..واول حارة ياليمين بتفوتي منها…

ومشينا خمسون مترا”…<<هيك وصلتني العشر متار >>

حين وصلنا الى ذاك لياسمين…شعرت لشدة سعادتي بأنني سأقع أرضا”..لا من شدة التعب..معاذ الله..من شدة الفرح لا أكثر…

طبعا سمية أيضا تكاد تقع..لكثرة ما طلبت منها أن تفسح لي لأخرج من مكاني…

واكتشفت…مافي أروء منك ام السوس…رقت عليكي بهالقعدة عالاخر..عبالك نعيد أختها؟؟:)

طبعا شوشو كانت  زينة المكان…<<شوشو = شام بنت اختها لدندون>>

طبعا عمو اب عمار..فرصة سعيدة اني شفتك..بعد ماجاكرتك بسيراني قبل بيوم عطريق المطار عساس…

لكم أسعدني لقائكم أصدقائي…وأتمنى أن تتكرر لمرات عديدة..

 

…

يتبع>>

بحبك مابعرف..هن قالولي..

صباحي..ابتدأ بسماع صوته العذب..

 

 

لا عزيزتي فيروز..صباحي اليوم ليس لك..بل هو ملكه..

 

 

هو وحده فقط..

 

 

أعادني به إلى ذاك الركن البعيد..

 

 

والذي يتواجد به ..هو وحده فقط..

 

 

همساته..أشعلت بداخلي الحنين..

 

أكثر مما قد توقظي بداخلي..

 

 

حنين له ..هو وحده فقط..

 

 

ابتاسمته التي ظهرت على وجهي..

 

أجل فيروزي..ابتسامته..وعلى وجهي أنا..

 

 

أيمكنك أن تتخيلي؟؟

 

 

هذا مالم ولن تستطيعي فعله بي..

 

 

فقط هو…وهو وحده فقط..

 

 

<<بحبك..نبض قلبي هو اللي عم يحكي>>

 

 

لم تستطيعي فيروزي أن تسرديها على مسامعي..

 

 

ولم يرقص قلبي طربا” بقولها بلسانك..

 

 

كما حدث لي..فقط معه..هو وحده فقط..

 

 

عذرا” قهوتي..فما عاد صباحي بك يرتوي كما المعتاد..

 

 

ولم تعد فيروزي تطربني كما المعتاد..

 

 

فهو وحده..ووحده فقط..قد سقاني قهوتي بكلماته..

 

 

وأطرب أذناي..بصوته الذي جعلني في عالم الأحلام..

 

 

وأنا بين جدران واقعي الوردي..بوجوده في أيامي ولحظاتي….

 

 

فقط هو..وهو وحده فقط..

 

 

صباح الخير حبيبي..

 

صباح الخير نبض قلبي..

 

 

لكم تحياتي..

وبعد جهد فظيع..وعناء طويل..الحمدلله طلعت بطاقة الجامعة قبل ماتطلع الروح..

 

بعد اطمئنت سوزي على ورقة المحضر..والتي بحسب وصفها..

(ورقة السماح بالخروج من السجن..بعد جريمة القتل…)

قررنا التوجه نحو الجامعة احتفالا بما لدينا من أكبر جريدة على الإطلاق..

وصلنا الى مكاتب خدمات الطلاب..

_مرحبا..لو سمحت بدي قدم عل بطاقة جامعية بدل الضايعة..

_وين ضايعة؟؟هي بطاقة مابتقدري تضيعيها وتستهيني فيها..

<<أي شو دخلك انت..>>

_مالها ضايعة ..هية مسروقة ..

_اي هويتك؟؟

_نسرقت مع بطاقتي..

<<يعني شو مشااااان؟؟ مثلا لح تنسرق بطاقة جامعة بدون هوية؟؟>>

أمرنا ل الله لح نتحملهن..

_طيب عطيني ورقة تسجيلك بالجامعة..

_مامعي ياها..

_اي مابقدر اعملك شي..جيبيها وتعي..

ومضينا في طريقنا..فلن نستطع اللحاق بالوقت..

ذهبنا في اليوم التالي..

_لو سمحتي..جبتلك ورقة التسجيل القديمة..لانو تبع هي السنة كانت محطوطة مع البطاقة المسروقة..

_اي مافيني ردلك خبر..لنسأل أمين الجامعة..

_طيب وين بدي لاقيه؟؟

_هلاء مالو مداوم..تعي بكرة..

<<طبعا لايمكن وصف حالة سوزي لقدومها لليوم التالي كيف كانت..>>

وجاء اليوم التالي..

_طيب مومشكلة بيمشي حالها الورقة القديمة..

بس جبتي كل الوراق اللازمة ؟؟

_ أي جبت المحضر والورقة تبع التسجيل..

_طيب عشؤون الطلاب هنيك بيطالعولك بدل ضائع..

وعدنا بأدراجنا..

_لو سمحتي..<<بعد ان انتظرنا خلف صف طوييييييييييييييل>>

_اسفة يا انسة..تعي بكرة خلصنا دوام..

<<يحرء على يخرب على ينعن.. >>

وجاء اليوم الذي يليه..

_اي والله مالي نازلة..للجكر بس..

_طيب منخليها لبكرة..

جاء بكرة..ومنذ التاسعة مزروعتين في شؤون الطلاب

_ مرحبا..لو سمحتي هي المحضر وهي ورقة التسجيل..مشان البطاقة الجامعية..

_طيب معك صورة الك؟؟

_شووو…ماحدا ئلي..

_اي جيبي صورتين الك..

_طيب بس الصور؟؟

_اي

واتجهنا من فورنا نحو الاستديو..

_الله يخليك بدي اتصور كرمال البطاقة الجامعية..

_طيب ولا يهمك عشر دقايق وبيكونو جاهزين..

ولم نكن نعلم بأن العشر دقايق يقصد بها <<لبينما اخلص اللي بإيدي وإتزكرك>>

وجائنا عمو الكريم ..والتقطنا الصور بأسرع من فترة قدومه إلينا..

وانتظرنا <<عشرتعشر>> دقيقة اخرى ..بينما تم التحميض السرييييييييع..

وحين تمّ التسليم..

_خلص راح الوقت عليي..مالح روح لعندها لبكرة..هي من عندي..

وجاء بكرة المنتظر…

_وين المحضر؟؟

_حاضر..

_والصور؟؟

_ليكن..

_والتسجيل؟؟

_هييييييييييييييييييييييييييييييي..نسيتو بالشنتة التانية..طيب لح ارجعلك..

واتجهت سوزي من فورها الى منزلها الذي يبعد عن الجامعة مسافة نصف ساعة..

_دندون لح خلصها اليوم يعني اليوم..انطريني لبينما ارجع عالسريع..بإذن الله لإحقها..

ومضى الوقت..حتى تصل سوزي<<يبعتلي حمة عليها >>

قبل الواحدة ظهرا” وانتظرت دورها كالعادة..

_لو سمحتي..هي كلشي معي..

_اسفة يا انسة..ماقلتلك عالوحدة منخلص..

_من التنعش ونص هون..

_اي تعي بكرة!! شو صار يعني..

وسارت مبتعدة سوزي عنها..حتى وصلت الى خارج <<خدماااااااات شؤون الطلااااااااااااااااااب>>

_دندون..حاسة حالي لح اقعد عالارض وابكي..

الجميل بهذه الفتاة بأنها كانت تضحك..بالفعل..شر البلية مايضحك..

_سوزي انا قررت ما اجي معك..

_لك لييييش؟؟

_حاسة انو جيتي عليكي نحس يابي..ومافي غير عم بجي بكرة..

_كرمال الله تعي لعندي من الصبح ..مشان انت تزكريني فيهن كلن ..كرمال ما انساهن..

ان شالله بيبعتلن علة..دندون..مشان الله والله لح ابكي…

وتضرب الفتاة بقدمها الارض ..

وجاء بكرة التالي..

_دندون زكريني..

الصور..دليل خروج السجن ..تسجيل..وشو كمان؟؟

_هدول الاساسيات.. بس ياخوفي تنسي حالك بالبيت اليوم..

_مافشرو..اخر مرة بروح بإذن الله..يلا نمشي..

_سوزي حبيبي..شو مشان نسيتي موبايلك ومفاتيح البيت؟؟ناوة تنحبسي برات البيت بد المخفر؟؟

_حاسة حالي لح انسى حالي عنجد..يارب..يارب ماترجعني خايبة اليوم..مشان ماروح بكرة..

يارب..تقطع شوفة هالمرا بخلقتي بكرة..

آآآآآآآآآآآآآآآمين

وتم ولله الحمد إنهاء الإجراءات اللازمة..

لتتحول سوزي مؤقتا”..

من..(إنسيكت بلا هوية..)..

إلى..

(نصف إنسيكت بلا هوية..)

 

**

**

ياحبيبي الله..هي بطاقة جامعة ودرنا فيها هالأد..لكن شو لح نعمل ببطاقة الهوية ؟؟؟؟

يامعييييييين..

 

 

تحياتي لكم

مرحبا عمو تكسي..ممكن توصلني لعند كراجات المكاري..

 

هنا..ابتدأت مسيرة الشقاء..

_كرجات دمر توقف تحت الجسر..

_ طيب وكراجات عين الفيجة وين؟؟

_هي بدك تاخدي مكرو مدري وين بتصلي لمدري انو مكان..

ومن هونيك بخبروكي لوين بتصلي عكراجاتهن..

_افحمتني عمي..

_شوو؟؟ ليكون مو عاجبك؟

_لا ئصدي شكرا..يعني لح اقضي سيران عالطرقات بس..

وهكذا..

فاتخذت أسهل السبل إلى معرفة الكراجات..

التكسي..

ولشو خلقو لكن شوفيرية التكاسي..ليصيعو بالسيارات!!

_مرحبا..لو سمحت بدي ياك توصلني عكراج مكاري دمر..

<<بنظرة تأملية من السائق>>..

_اي بدك ياني اطرق مشوار لهونيك..اي خدي مكرو من هون بينزلك تحت الجسر..شيهالعالم هي..

وينطلق مسرعا وكأنني سأقبل يداه لتوصيلي..

<<فظاعة كيف الناس بترفس رزقتها اوقات>>

وتبدأ مسيرة البحث..

ويبدأ الشوفير بعرض توصيلاته عن طريق شاب <مدندل حالو من باب الباص>>

_عجسر الرئيس ياحلوة؟؟

_ لا .. بدي روح لتحت الجسر..

_<<بضحكة مستهزء>>أي طلعي..

_ئلتلك مابدي جسر الرئيس..خلص مابدي

شو مشان؟؟

يعني اول شي مبين عليي مابعرف بالطرقات..او غريبة عن البلد لحتى يضحك..

وكمان اصرارو السئييييييل..يالطيف..

وتنتهي ازمة البحث عن الكراج..

حتى نبدأ أزمة البحث عن المكرو المناسب..

_لو سمحت…

_<وبنظرة بتقطع القلب من كتر مو عامل روزة عساس>>نااااعاللللم..

_بالله بتنزل بمفرق كزا مزا بدمر؟؟

_ابوفلااااااااااااااان..لك وينك يارجل يحرء ال*^&%$%^$%@#%

ويبدأ سيل الكلمات المبهم…لا بل المعبّر عن الأشواق الزائدة..لأكتشف بنهاية الأمر..

بأن ابو فلان هذا كان بجوار عروسته الحسناء <<المكرو >> في دوريته الثالثة…على اشارة المرور..

شو مشااان؟؟

يعني مشان ساعة زمن بتفرق بين وصولكن ..بدها كل هالصريخ؟؟

أستدير وأحاول البحث عن وسيلة اخرى..

_ لو سمحت..

_….ويهز برأسه..

<<ياحرام..معقول مابيسمع..يعليي عليه>>

_بتمر من مفرق كزا مزا بدمر؟؟<<طبعا احاول التحدث ببطء..لعله يفهم بلغة حركة الشفاه.>>

ويشير برأسه من خلف المقود ببطء شديد..وكأن حركة رأسه تحدث غصبأ عن رأسه..

ولم افهم اشارته..

حتى يتبرع احد الركاب بنزق..

_اي اختي اطلعي اطلعي هيك قصدو..

أي الحمدلله..لسا في ناس عندها لسان بهالبلد..مو بس صووووووووووت..

والآن..

ابتدأ مشروع ايجاد المكان المناسب…

وهنا اتوجه بالسؤال لكل ركاب المكاري..

ليش الشباك اللي بالزاوية ورا مابلاقي عليه حدن ؟؟

يابلاقي فاضي..يا اما معبين كرسيين جنبو وهوة الوحيد المنبوذ!!

ياحرام..حتى بكراسي المكرو في عنصرية!!..

احاول البحث عن كرسي..فيرزقني الله سماع صوت رجل كنت اظن بأنه لايسمع..

_خلصينااااااا..ركبي بسرعة بدنا نمشي…دمر دمر دمر…

من اين يأتي هذا الصوت؟؟من ذاك الذي لايسمع؟؟

ماشاء الله صوتو شو جهوري..وشو انو محركات الحكي عندو تقابل سرعة خمسمية حصااااان!!!!

مافيك تقول خلصينا بسرعة…واللا لازم هالمط والبرادة بالحكي؟؟وكأنو الكلمة عم تطلع غصب من عن تمو؟؟

أجد المكان مسرعة..

وهو تلك الزاوية خلف شركاء السائق بالكرسي الأمامي..

ضهري مقوس..وقدماي تصطدم بمئات الاقدام امامي..

وكافة المقاعد معبأة من الشبّان الأكابر..لايعلمون لكثرة <<الأكابرية >>التي لديهم..بأن من الأتيكيت <<الذي ينتمي لشعب تلك المنطقة>> هو سؤال الجنس اللطيف بتبديل مقعدهن المزعج بمكان مريح أكثر..

ولكن..

مافي شي من  دون مقابل يابي..

بدك تقعدي بمقعدي؟؟تفضلي انسة تفضلي..ونظرته تحكي ماينويه <<لحتى اقدر شكلس وضعي معك ونطلع من اخر المشوار معنا ارقام بعض>>

تتبدل المقاعد ان كان ولابد من مزعج ما امامي..وتبدأ سلسلة النظرات..والتغماية..وتحريك القدم..والوقوع بالغلط حتى يتنسى له وضع يداه على ركبتاي…

_عفوا اسف..<<ان كان يريد منك الرد..او محاااااولة منه لبدء حديث ما>>

او..

يبقى صامتا” لفداحة وقوة وقوعه..

انو يا الله وقعت…

وبتكتر الوقعات..ياسبحان الله..شو هالطريق هاد يلي كلو بيوقع!!

الان..حان موعد مشروع دفع الأجرة..

_لو سمحت هاد المكرو اديش بياخد..

_لاخلص خليها علينا..

_لا مابصير شومشان يعني؟؟

وتستمر المماطلة..حتى اصل الى ..

_عشر ليرات..

_بس؟؟

قلت لحالي والله 25 متل مابعرف بمكاري بعض المناطق..

تفضل لو سمحت..

ولكن شيء ما ينكز كتفي..

_لو سمحتي..

طبعا لها عدة طرق..

الأولى…لو سمحتي ..هي  معك واحد مية وتنين خمسمية..وهي تلاتة..

بشكل سريع ومختصر ..ويد مليئة بما  يحتاج للصرف..

اما الثانية..

فتخرج الكلمة بكل الثلج والبرودة المتواجدة في سوريا من ثغر المستهلك خلفيي..

الثالثة..نسردها في حديثنا القادم..

لكم تحياتي..

مين ئلكن بدنا محروس لهالعروس؟؟

 

بهذا استقبلتني احضان والدتي..

بالرغم من معرفتها رفضي مبدأيا” لهذا الأمر..

وما زاد من غضبي..قراءة بعض الردود ورؤية بعض الأراء والتعليقات في موضوع ليمونة الحلوة..بدنا عروس لهالعتريس..

قدماي تتخبط في الأرض..

_ماما..لسا مافضيت شنتايتي..ماما..لسا ماقلت السلام عليكم يا أهل الدار..

_اي وشو يعني؟؟

_ماما ياروحي ياعمري تقبريني اليوم قبل بككرة..بس شو مشاان يعني؟؟

لم يمضي على وصولي الى غرفتي ساعة من الزمن..وهذا ما أثر بي ..

_الجماعة ناطرين من قبل ماتنزلي بشهر..

_ ويستنو لسنتين كمان..شو اعملن..بعدين لو عرفانة هيك كن مانزلت بنووب..

طبعا” علامات الغضب لاتخفي نفسها..إن كان لما يعتريني بسبب الاخبار التي اسمعها <<تازة>> وأيضا” بسبب ردة الفعل التي رأيتها على وجه والدتي..

_بدنا نفرح ماما..ماعدتي صغيرة..وإلنا زمان مافرحنا..حاجتك ..

_(*_*)…….آثار دهشتي بالطبع..ليش مابقي بنات بالعيلة تفرحو فيهن غيري ي ي ي…لنشوف ماما..بس من هلاء بتقدري الغي موعدهن وبس..ولخير ان شاء الله..

 

اسمحولي بالعامية هلاء..

يلي بيجنن انو بورجوني انهن قاتلين حالن عالجية..ولما طل ع الأم المصون..بتلاقي قلب الوش فورا”..طبعا” هاد الشي ولله الحمد مابيزرع بوشي إلا ابتسامة فظييييييييعة….سبحان من خلاكن تجو ركيد..

مضت الإجازة الرائعة…واستقبال العائلات الكريمة اوشك أن يقضي على ماتبقى من تعقّل …

الأولى..التالية والتي تليها..

<<طيب شو مشان اختي؟..والله مافي منها اختي..وبتجنن وعين الله حولها..>>

_بالوقت الحالي انتي هون..يعني خلينا نستغل فرصة وجودك..

_طيب شو مشان؟؟ يعني شايفينني شي طنجرة؟؟

_لائه يوه…انتي اكبر <<قدر>> بس ماببتعرفي..يمكن تلاقي غطاكي…….ههههههههه

يحرءءءء..

ولكن لا أخفيكم…أصبح الأمر لدي إعتيادي..فوتة طلعة مع السلامة..يبقى خلينا نشوفك حجةةةةةة..وسلميلي ع ابنك المصون..

وانتهت الإجازة..حمدا” لله…….وماينتظر عودتي أفظع..

_ ألو …..كيفو ابو دندون..ابعتلي بنتك عالرياض بسرعة..في ناس شافوها السنة الماضية وال حبوها كتير وبدن يشوفوها هلاء..

شوووو مشان يعني؟؟

بدن سنة ليقولو حبوني؟

أي تحبهن العافية ياحق..انا ماحبيتن..شكلن لأن>>>ستغفر الله العظيم..يارب تسامحني عالألفاظ يلي قلتها بحق العالم يلي اجتني..وازا كان في حدن منهن بيناتكن ياريت تسامحوني …بس غصبا” عني……<<وش بريء >>

وكمان الحمدلله عدت على خير..بدون إراقة الدماء..وسفك الأرواح..

لاا وكلشي كووم..ووقت يجيني اتصال من الوالد..

_دندون وينك بابا؟؟

_<<دخيل الله عهالرواء..>>ليش ياعمري بدك شي ؟؟أنا عند رفيقتي..

_اي بابا تعي فورا” عالبيت..

_<<خير يارب..فورا” ورواء مابيجتمعو..>>ليش بابا في شي ؟؟

وأستمع إلى الهمس بجانب هاتف والدي..

<<لاتئلا انو جااييها خطابة بعد شوي..هلاء بتنــ***ومابتعود بتجي..>>

_لقطك ماما..سمعت شو صار يعني..

_بابا تعي لانو جاييكي ضيوف يا حبيبتي..وبدك تلحقي تجهزي حالك …

_بابا شو مشان ياعمري؟؟…..مو عساس انا حبيبتك ومدري شو..ضيوف بنفس النهار يعني واللهي..

_بابا..تعي وبس..نقطة انتهى الموضوع……..

وابتدأت مرحلة ضرب الأرض بقدماي في منتصف الشارع..وصديقتي لاتتوقف عن الضحك..

شر البلية ما يضحك مو سوسو خانم؟؟

يعني عنجد شو مشان المواعيد الفاقسة؟؟

شو مشان مالي فاضية واني ضيفة ببيت ناس!!!!

بس الحمدلله ..كمان عدّت على خير..بدون سفك دماء وإراقة أرواح..

ويطول الحديث عن هؤلاء النسوة <<المستعجلين>> لأن الكلام عنهم يختصر بــ…حدّث ولاحرج..

 

تحياتي لكم..

سيريتيل وأريبا..الله يخليهن ليناااااااااااا

 

استقبلتني خطوط الهاتف بدمشق بطريقة رائعة جدا”

يحرء حريشهن بدهن عراضة من حضراتُنا << مو بس من حضرتي يعني>> لحتى تلاقي الخط معك تفعّل او اشتغل معنا…

شكرا” لتعاملك معنا..شكرا” لاشتراكك بهذه الخدمة..

وكلو كوووم..وشغلة اهداء الوحدات كوم تاني..انو ليش سموها بالزات اهداء وحدات؟؟

وهية الوحدات بتكون طالعة من عيون المهدي<<يلي **هدى** الوحدات للخط المحتاج>>

عالحالتين..شكرا” لك عزيزي المشترك..

وشكرا” لصعودك على أقرب شجرة..أو جلوسك على اقرب مسجلة بجانب السرير..

كما حصل معي ومع اختي..

رفعي ايدك..لاوجهي الموبايل من هون..يحرءء اخوكي عم يتصل..

_ولك وقفي ناح الشبكةةةةةةةةةةةةةة..صوتك ماعم يصلني بالمرة.

_طيب حبيبي وهيك؟؟

_اي من زمااان..

وتدخل والدتي الى الغرفة لتفاجأ بديمة تجلس على الاداة الكهربائية..

_شو مشان ياماما؟..انا بعرف هي بيستعملوها لتسمعي بإدنك.مو تقعدي عليها وتسمعي بركبك..

_ماما أي كلمة بتحكيها بيزعلو منا تبعات الشبكة..الله يخليلنا سيرتيل وأريبا..

طبعا” لا أنسى فضل الخدمة الوحيدة التي لم استطع اكتشافها على الفور..

الماسينجر..

_دندون..حبيبي شكلك عم تضحكي عحالك كتير وتتخورفي..مو؟؟

صيري زكية شوي ووفري عحالك..وقت بدك تحكي حدن اعملي رنتين وفتحي ماسينجر..ووين ماكنا لح نرد عليكي..

_ليش حبيبي؟؟ بختصر بكلمتين بدقيقة وخلص..

_اختصري حبيبي هالكلمتين بوحدة واحدة ورنتين..بدل من دقيقة حكي وعشر وحدات بتبكي عليهن بعدين..

_مالح تفرق..

_الايام بيناتنا ولنشوووووف..

وبالفعل..كانت النصيحة بجمل..

بكيت وبكيت على وحدات لا ادري كيف ضاعت مني بفتح الخط دون حديث…

ولا استطع وصف حالات القفز وفقدان الاعصاب التي تصيبني..

حتى وصلت الى مرحلة ..

_بابا حبيبي..ماما تقبريني..مو انا دندون حبيبتكن..شو مشان تهدوني وحدتين عشرتعشر وحدة وبكون ممنونة ؟؟

_لسا مبارح هديتك وحدات يا بابا..وشكلي لح اهديكي كفين اليوم..وبكرة سفرة عالصين..

ماااشي..أتاري الدلال مابيلبقلي..

ادور وابحث..كيف سأحصل عل وحداتي..

وبالنهاية أصل الى مادي بما علّمني به أهالي دمشق..

الخورفة متل ماتخورفت..

تصلني الوحدات وتضيع مني..ويالسعادتي..

ولكن الأبرز من هذا..حين يعلم كل من في الحي بفقداني لوحدات..بسبب خطأ في رقم واحد في مرحلة التحويل..

_شوووووووووووووووووو…لخبطت برقم التلاتة..

ياحرااام..ضاعت وحداتها بالغلط..

_بتهون اختي بتهون..ان شاء الله يطلع ابن حلال يلي وصلوه بالغلط..

ألو مرحبا اخي..باللهي وصلك 400وحدة بالغلط ..ممكن تتكرم من بعد زنك از مافيها ازعاج …..

ويكمل مسح الجوخ والتلبسة ليرضى بنهاية الامر هذا المتلي بارسال 200 فقط منهم..

شو مشاااااان؟؟

ياجماعة ازا بئلكن انو عم بتزكر هي الشغلات ولح تجيني الجلطة!!!..

لزاليك نكمل الحديث عن الوحدات بالمرات القادمة..

 

تحياتي لكم..

وسيرياتيل وأريبا..والله يعدمني …….

 

 

 

 

حلم لم يتحقق بعد…

كم كنت أخاف الارتفاع..

ومازلت أخافه..وإنما وحدي…

فما أصعب الطيران..دون عشيق..

دون عاشق يحميني..يمسك بيدي..زارعا” في فؤادي بذرة الأمان بوجوده..

مشعلا” في دخاليج نفسي..ألاتخافي في وجودي..

عاشق ينير آمالي..بثقب صغير..يحوي _برغم حجمه_ أعظم الأحلام..

كم كنت أخاف الطيران إلى أعالي السماء..كتلك النجوم تلتمع عيناي..وكالسماء تصفو نفسي المرتجفة…

لأرسم على ثغري ابتسامة تحكي سعادتي دون أي كلمات..

أما الآن… فسأغمض عيناي حالمة بما ينقله نبض الفؤاد الذي اسمعه وهو يضمني..

ضاحكة بارتجاف لما تشعله لمسة الذراع التي تحويني…

فجأة…لم يكتمل الحلم..وأطل الواقع يمحو برقته القاسية..رحلة تحليق لم يكتمل…

فهل من عاشق..يعيدني إليه؟؟؟

نسّم علينا الهوى..من مفرق الوادي..

نسم علينا الهوى من مفرق الوادي…ياهوى دخل الهوى..خدني على بلادي..

على موسيقى فيروز..أقبل نهاري الذي لا أدري مايخبئه لي بعد…

أرتشف قهوتي على نافذتي..والنسيم البارد يدغدغ وجهي الحالم..

ترى,,,

أما زلت في بلادي؟؟

أم أن ظلال غربتي مازالت ترمي بغيومها ..تغطي أحلامي…حتى وأنا في بلادي؟؟

أغمض عيناي..علّ هذا الهاجس يزول..

وأغمر رئتاي برائحة البرد القارس..

أقبل بمرضي..إن كان هذا ما يوقظني من  ظلام أحلام غربتي..

أتجول في شرفتي..

تحاورني فيروز مرة أخرى..

<<..زعلي طوّل أنا وياك..وسنين بقيت,,

جرّب فيهن أنا انساك…ماقدرت نسيت..>>

عادت بي ذاكرتي الخائنة..إلى تلك اللحظات التي حاولت بها النسيان..

حين أتخبط بين جدران غرفتي..تلك الرفيقة الصامتة..

أحاول بها إغلاق أذناي عن صوتها…مرسال صباح  بلادي..فيروز..

وأنا أنكر ما يتلألأ على وجنتاي..

أريد أن أنسى تلك الرائحة..ذاك الصباح..تلك السعادة..

أريد أن أجرد نفسي من مشاعري…ما يضعف قلبي..ويؤرق ليلي..

ويتلاعب بصبري..وأنا وحيدة..لا يستمع إلى نواحي إلا وسادتي..

وخيالات..وأطياف أحبائي..

إلهي..ألا يمكنني أن أتمتع بلحظتي الآن؟؟

لما تشعل بداخلي فيروز دوما”..الذكريات..والذكريات…والذكريات؟؟

أم أن <<زعلها..>>بالفعل قد <<طوّل>>..وحان وقت الرضا الآن؟؟

أتجه مسرعة..

قد يُغلق باب الذكريات حين أغلق ذاك الكائن عن إصدار الألم بذاتي..

متجسدا” بفيروز…

فأصل..

لتلحق لحظاتي كلمات..تعيد يداي إلى جانبي..طالبة الدفء من فنجاني البارد..

<< أنا لحبيبي,,,

وحبيبي إلي..>>

أتحدثني الأن؟؟

أتقصدني..أنا بذاتي؟؟

أتلفت حولي..لايوجد سواي مرافقا” لها في هذا الصباح..

إذن..سأحاول برفقتك فيروز..إن كنت تسمتمعين إلي..

سأحاول النظر من ذاك الثقب الصغير..

علّي أستطع سرقة طيف خفيف..من ذاك الأمل الذي تتسلحين به..

وأمضي خطوة واحدة إلى الأمام..برفقتك..

صباح الخير بلادي..صباح الخير أحبائي..

صباح الخير نفسي..وغربتي التي تسكنني..

ليتني كالطير…تحملني أجنحتي أسفل قطرات المطر..

ليتني كنت طيرا”..

ليتني كنت طيرا”…تحملني أجنحتي إلى تلك السماء..

أعانق بأجوائي سحابات العشق..التي تتحدث من خلالها أصوات القطرات …

معلنة سقوطها فوق رؤوس العشاق..

ليتني كالطير…

أحمل نفسي المشتاقة..لنبض قلبي وعائلتي..بالرغم من احتضانهم لي..

ليتني أحملهم وأطير..إلى أعالي الدنيا…

أطوف بهم الدنيا..وأجول بما يجول خاطري عنهم..

وأحكي للملأ الصامت..

هؤلاء هم أيامي..سعادة أحلامي… ونبض فؤادي..

أشارك فيروز صوتها..

ياطير..ياطاير عطراف الدني..

لو فيك..تحكي <<للي معي شو بني >>..ياطير..ياطير..

ليتني كالطير..

أبعث بسلامي..لمعشوقي..لإخوتي في ذاك الركن المغترب عني..

لأغلى صحبتي فيها..ولأطفالي..

ليتني كالطير..

ترويني قطراتك أيها الأمل بما هو منتظر..وبما تبشرني به..

ليتني كالطير..